Salam semuo, entry kali ni den nak kongsi macam mano nak buek grafik untuk watermark.
Hehehe, sobonar eh den blajar grafik ni dari bini den. Si alia pingkey. Hehehe.

Ok, untuk buek watermerk ni kito perlukan software grafik: photoshop.

Step mulo-mulo, create new document dongan saiz 300x300 pixel. Background dio biarkan warno putih.

Gunokan text tool untuk buek text macam ni.

Click pado text layer tadi. Tokan text tool. Lopeh tu click pado icon Warp Text. Pado bahagian Bend tu setkan 100%. Lopeh tu tokan butang ok.

Right click pado layer text tadi. Pilih Duplicate Layer.

Click pado layer yang duplicate tadi. Lopeh tu Click menu Edit, Transform, Rotate 180

Lopeh tu ejas la bagi dio bontok bulat boto.

Buek satu bulatan dibahagian luar tulisan tadi. Setkan stroke effect dio kepado 5pixel.

Buek lah lagi satu bulatan kek dalam tu. untuk pixel stroke eh den setkan 2pixel.

Tambah lah text kek ruang kosong tongah-tongah tu.

Ok, ni part effect pulak yo. tambah satu layer baru (Shift+Ctrl+N). Pastikan layer baru ni kek eteh sekali.
Click pado layer baghu tadi. Lopeh tu tokan Filter -> Render -> Clouds.
Lopeh tu, tokan laie Filter -> Noise -> Add Noise.
Setting eh ikut yang mcm gambar bawah ni.

Right click pado layer tadi, click pado Blending Options. Dokek blend mode pilih Screen.

Select semuo layers tadi, pehtu right click dan click pado merge layers. Lopeh tu leh lah rotate dan padam background gambar tu. Lopeh ni sonang lah nak includekan watermark ni dalam gambar-gambar kito. Ikut kreativiti kito la nak warno macam mano, tulisan macam mano..

Ni contoh grafik yang tolah diedit dongan watermark tadi.

Sekian, kalau ado tak paham tu tanyo yo lah yo :) Timo kasih tak terhinggo pado bini den alia pingkey yang tolah mengajar dan mendidik den dalam bab grafik-grafik ni :)